سويتها تسلية لأخواني الصغار على اساس بنبسطون فيها ويسوونها معي
سهلة وجميلة و ماتبغى مقادير كثيره
نحضر كيكة بيتي كروكر زي ما هو مكتوب في العلبة و استخدموا اي نوع كيك في الدنيا مو شرط بيتي كروكر
أنا كنت مستعجلة و استخدمت الابيض
ويفضل تستخدمين هذا القالب او سوي دائري و اجلسي قصصي في كيكتك 
بعد ما تحمرت
نظلعها من القالب بعد 10 دقائق و نخليها تبرد
بعدين سوي اي نوع كريما تحبينها أنا سويت كريمة الخفق
بس تخفقين الكريما لحد ماتنفش وتثقل [ تقريباً 4 دقائق ]
ويفضل تحطين الوعاء اللي بتخلطين فيه + الوسك في الفريزر 10 دقائق عشان تساعد على أن الكريما تنتفش
وبعدين تضيفين لها السكر البودره و الفانيلا بالكمية اللي تناسبك وتخلطين بالسباتولا
من فوق لتحت عشان ما تطلعين الهوا
كأنك تمهدين السكر بالكريما لحد ما يذوب و يتغلغل فيها كلها 
جهزنا الكريما + الكيكه نبدأ الديكوريشن و االتفنن و الجزء الأجمل 
باقسمي الكيكه بالنص عشان يعطينا شكل القوس حق ألوان الطيف
و ابدي ادهنيها بالكريما
أنا أدهنها و ابردها بعدين ادهنها مره ثانيه عشان تعطيني غطيه مضبوطه + أضمن أن الكريما موزعه بنفس العمق من كل مكان
جهزي الـ m & m ’s و ابدي صفيهم أنا صفيتهم كل لون صفين وبعدين عدت عليهم أبدي من داخل من تحت أسهل
لما تخلصين حطي شعر بنات على طرفين القوس يعني كأنها غيوم
و
ترآآآآآآ
صح متعبة شوي بس و الله سهله و ينبسطون عليها الأطفال ما يبليلها فن ومهاره بس شوية صبر
من زاوية أخرى
لقطة جوية
كان ودي اصورها صور حلوة بس صورتها أول ما خلصت و ورفعتها عشان اصورها لما اروق رجعت لها لقيت فيها أثار أصابع و محوسه 
أخواني الصغار أحبكم بس يكفي إجرام 
الطعم عادي ! و هذا متوقع لأن الكيكه مافيها تميز
مممكن تنكهون كيكتكم بتطلع ألذ باعتقادي
وبسس هذي كيكتنا البسيطة ويارب تجربونها وتعجب أطفالكم
بحفظ الله 
ماشاء الله *-*
فكرة مبتكرة ! برافو .
جدًا جميييلة ، شكلها ظريف ولطيف جدًا
الأطفال بيفرحون فيها وبيستمتعون فيها ، الجميل انك ماحطيتي فيها ألوان طعام * صح الـ ام اند امز فيها ألوان * بس نفسيًا احنا الوان الطعام ماتدخل بيتنا هههه وشفت كثير مسوين كيكة ألوان الطيف انهم يخلطون الكيكة بالألوان . ماكنت احب الفكرة .
،
سعيدة بوصلوني هنا ، دعيني اتجول قليلًا بين جنبات هذا المكان ، يبدو لطيفًا جدًا 🙂
دعينا نرى مزيدًا من الإبداع ؛)
شكراً يا بيانة عيونك الجميلة :$
ههههههههههههه مثل لما جيت اشتريها ابوي يقول و الله مالها داعي و من هالكلام بس أقنعته أن كل أطعمتنا ملونة -.-
و أنا و الله أسعد ، و أحمد الله الذي دلك على مدونتي يا كل اللطف أنت ()
بأذن الله يا بيونتي :$
روعه منيره
الله يحفظك
شكراً جزيلاً ♥
ويحفظ أحبابك =”)
ياااااااي منوري
ما توقعته زي كذا
وبما أن نوع الكيكة بيتي كروكر فأكيد لذيذة >>> أصلا أي شي من منوري لذيذ
واصلي ابداعك منور
يا حبي لك يختي :$
دايم تعليقاتك تبهجني و الأجمل أن لك في كل تدوينة رد =””(
الله لايحرمني منك بيشو ♥
الله تهبل جاري التقليد
في انتظار صورة تطبيقك =”)
الصراحه روووعه واليوم بطبقها 😉