السلام عليكم و رحمة الله و بركاته
و تستمر مواضيع اتقان كلها تصوير و طبخ 
شكل هالتدوينة بتكون آخر تدوينة أضيف فيها و صفات لفترة صرت مدونتي كتاب طبخ 
المهم نبدأ بالهالتشوكليت اللذيذ جداً
هالشوكلاتة سويتها أكثر من 4 مرات صرت خبره فيها 
وكل مره يطلع بنفس النتيجه ولله الحمد 
خلونا نبدأ بالمكونات :
– واحد و نصف كاس شوفان
– واحد ونصف كاس جوز هند
– ربع كاس حليب بودره
– ربع كاس سكر
– علبة قشطة
– نصف اصبع زبدة مذوبة
– شوكلاتة بالحليب أو داكنه حسب ذوقكم
– شوكلاتة بيضاء للتزيين
الطريقة :
– نحمس الحليب و الشوفان و جوز الهند حتى يشقر
نجهز الزبدة و القشطة و السكر
نضيفهم للشوفان و جوز الهند و الحليب البودره
ونخلطهم مضبوط بيكون الخليط لين
والحين باقي نغلف الحشوة بالتشوكليت فيه عدة طرق
ممكن تفردين الخليط وتقطعينه مستطيلات و تحطينه على ورق زبدة وتدخلينه الفريزر يمسك شوي بعدين تغمسينه في الشوكولاته و بعدين تزينينه بخطوط من الشوكلاته البيضاء
الصورة جداً جداً قديمه ، و بتصوير جوال فلا تشرهون أشوا اني لقيتها
أو الطريقة الثانية بقوالب السيلكون
أول مره أستخدمت فيها القوالب كنت مع احترامي الشديد لنفسي غبيه بقولكم الحين ليش
كنت أحط أول شي شوي شوكلاته بعدين أشكل مقدار من الخليط على شكل القالب وكان ياخذ مني وقت بس بعدين أبتكرت طريقة ذكية
أول شي أدهن كل القالب بشوكلاته و ادخله الثلاجه
ولما أطلعه من الثلاجه أخذ الخليط و ارصه داخل القالب بكل أريحيه و اصب فوقه شوي شوكلاته
الصور النهائيه /
من الأعماق
كنت مسويه اشكال أحلآ لكن نمت و قضي عليهم 
وماخليتهم بخاطري لما سويت حلا الماركه لعماني صورت لكم بعض الاشكال
أدري حلآ الماركه قديم محد صار يسويه وما أحبه كثير بس عماني يحبونه و لأجل عين تكرم مدينه عاد كيف عيون عماني
ترآ قلوبي مو مخدوشه بس هذي انعكاسات الإضاءه عليهم
كنت مسويه كثير يعني عبيت صحنين كبار صورت لكم شوي على السريع لأني أصلاً كنت بسافر فيه و ألا أسويه مشتهيه أذوقهم إياه فوش سويت خذت ترمس المويه و قبل بوقت كنت اثلج مويه بالقوالب و اعبي باكياس و بعدين حطيت كيس في قاعدة ترمس المويه وبعده حطيت علبة محكمة الإغلاق فيا كم حبة بعدين كيس وعلبة ثانية لآخر علية و بسس ولا ساحت الشوكلاته ولا شي كأنها طالعه من ثلاجه < قلت لكم ما أخلي شي بخاطري
ملاحضات :
– البسكوتات ” الحشوه أو الخليط ” ممكن تشكلينها بشكل مستطيلات وتخلينها في الثلاجه شهر ما يصير لها شي ، و متى ما اشتهيتيه غمسيه بشوكلاته أو حتى مع النوتيلا شي لذيذ 
– لا تستخدمين جالكسي لأنه يذوب بسرعه ممكن تضيفينه مع الشوكلاته العاديه عشان الطعم أو استخدمي شوكلاتة ليندت بدون إضافات 
” تلقونها في التميمي ”
وبالعافيه على قلوبكم النقية 
ماشاء الله ششغل اتقان ( )’
والمذاق اكيد لذيذ
يسلم يديآتك يً اختي
نوولي
تسلمين على هالكلمات اللطيفة :$
الله يسلمك و حياك ربي ♥
مُنيرة كعادتك إبداعٌ في إبداع ..
سَلمت يمينك و حفظك الله من كل شر ..
ابتسام
أهلاً بمن استشرت مدونتي بقدومها :$ ♥
و سلمتِ و لا حُرمتكِ ، كم سررت بردك و كفى بعبق و جودك عطراً لمدونتي :$
سلااام منوري
يااااي منور
دايما تفاجئيني بكل جديد
الى الامام دائما
واجازة سعيدة هع:p >>> أدري بس يوم واحد بس وش أحلى من اجازة وبعدها خميس وجمعه
BeShOo fahad
و عليكم السلام ، أهلاً أهلاً ♥
يختي دايم تمدحيني و لا اعرف ارد عليك ، الله يسعدك و بسس :$
و إجازه اسعد و أمتع لك إن شاء الله :p ص يوم بس يفرق *.*
وااااااو
يم يم يم )) تسلم الايادي منوره تبارك الله يشووقوون حدهم
بس شنو نوع التشوكليت !
حابة اجرب هالوصفة اللذيذة ~
traafq8
الله يسلمك
التشوكليت اللي استخدمته تشوكليت للحلويات من قسم الطبخ
بس أنصحك بليندت =”)
منووووررررري مستحيييييييييل شكلة
مرا جمييييييييييل
ومتقن مشااء الله
^^ آبي اذوقة :$
ربي يحفظك من كل شر ..
يا حبي لك ميمي شكراً :$
و أن شاء الله تجين و أشوفك وتذوقينه =”(
وااو شكله خيالي ويفتح النفس مَاْشاٍءْ اللَّـْه 😍😍
تسلم ايديكِ يارب ˆ⌣ˆ
الله يسلمك شكراً جزيلا :$ ♥♥
ماشاء الله مبدعه بس لاتتاخرين علينا ننتظرك مع جديدك
شكراً يا حلوتي بعض مما لديك ♥
بأذن الله لن أتأخر قدر المستطاع =”)
الحمدلله :”)
طبّقتها يا منيرة :”)
رغم إني كنت كتخوفة كيف حيطلع الطعم ، وحتجمد ولا لا
بس الحمدلله طلعت تجربة ناجحة وسعيدة جداً بإنجازي 🙂
أول ما أرفع الصور لمدونتي حرسل الرابط بإذن الله ()
شكراً شكراً جزيلاً
لك ولشرحك الجميل ولمساتك المذهلة
ولروحكِ الطموحة :”)
في أمان الله ()
أكثر رد يسعدني في المدونة هو بشارة مثل هذي
أن أحد يطبق لي شي ، فالله يسعدك زي متسعديني
الحمدلله أنها أعجبتك ()
أنتظر الصور
وشكراً لك للطفك ياجميلتي
حفظك الله ()
ربي يسعدك دنيا وآخرة يا منيرة :”)
تستاهلي كل خير والله ()