السلام عليكم و رحمة الله و بركاته
أول تدوينه في مشروع إتقان 
هذا التشيز كيك من أول ما شفته في شمواه عشقته و سويته على طول
هو بالنسبه لي ثقيل لأني ما شربت معه شي و بعد أنا أميل للحلويات الخفيفه ، لكنه اعجب أخواني جداً نكهته مميزه
نبدا بالمقادير :
علبة بسكوت دايجستف – 50 جرام زبده ذايبه – ملعقة سكر
نصف كأس كريما خفق – ثلاث أرباع كأس نوتيلا – 300 جرام جبنة فيلادلفيا – ثلاث ارباع كأس سكر – 220 جرام شوكلاتة – 2 بيضتين – 2 صفارين [ جميع المقادير بحرارة الغرفة ]
نكون مغلفين القاعده بقصدير قبل عشان ما تدخل المويه للتشيز كيك 
نطحن البسكوت و نضيف له السكر و الزبدة و نرصهم بالصينيه
بمضرب الكيك نخلط الجبنه مع النوتيلا و بعدها نضيف السكر و نخفق وبعدين الكريما و نخفق ، نذوب الشوكلاته بحمام مائي
نضيف الشوكلاته الذائبه و نخفق نضيف البيض حبه حبه و نخفق و بكذا انتهى خليط التشيز
نغلف الصينيه من الخارج بطبقتين من القصدير و نصب الخليط ونجيب صينيه أكبر من صينيتنا و نصب فيها مويه مغليه ونحك الصينيه داخلها ” عشان نسوي حمام مائي ”
و ندخلها لفرن مسخن على درجة حرارة 180 مئويه لمدة ساعه – ساعه وربع ، بتكون الأطراف متماسكه و الوسط يهتز لما تحركين الصينيه ..
إذا طفيتي الفرن لا تطلعين التشيز كيك افتحي باب الفرن شوي وخليه لين يبرد التشيز كيك وياخذ درجة حرارة المطبخ بعدين دخليه للثلاجه عشان ما يهبط من الوسط
و دخليه الثلاجه أقل شي 4 ساعات وكلما طول كان ألذ ، زينيه بخطوط الجاناش ” اللي هو عباره عن كميه من الشوكلاته الذائبه مع كريمة خفق بحمام مائي والكميه حسب الرغبه ”
و بالعافيه يا حلوات ، الصور النهائيه /
اللي ودها تذوق لاتستحي 
وهنا رابط الموضوع اللي اخذت منه الوصفه ، ربي يسعدك يا أريامي ..
أنتظر صور تطبيقاتكم دائماً ، أرسلوها على حسابي في تويتر [ @mnorr1 ] أو على البريد [ mat13@winowslive.com ] وبأذن الله أنزلها في المدونه =)
تطبيقاتكم تسعدني وتحسسني بأهمية ما أقدمه 
بحفظ الله يا جميلاتي 
’،
يم يمي شكله يشهي
بالعافية عليكم
ما شاء الله عليك
انا ان شاء الله اذا لقيت وقت راح اسويه واصوره وارسله لك
الى الامام منور
BeShOo fahad
الله يعافيك
متحمسه اشوف تطبيقك :$
الشوكلاته ممكن اي شوكلاته خام وحتى الجالكسي ينفع : )
كم حبة جالكسي الله يعافيك ؟
بس باسألك وش نوع الشوكولاتة الي استعملتيه في التزين
مً ششششآء الله تبارك الرحممن ()()’
وش هالحلا ..
>>> احب الي كذا اهم شي النوتيلآ ^^
يععطيك ربي الف عافيه ()()()()()’
+
بجربوه قريباً ان شاء الله :)”’
واصصلي ابداعك يً ذوق ، فأنا اول متابعيك
اتمنى الممزيد والمممزيد ( )”
حافظك الله :””
نوولي
الله يعافيك
ننتظر تطبيقك و إبداعك *.*
تسلمين تشرفين متابعتك يا عسل :$
و حفظك =”)
مشالله تبارك الله كأنه جاهز شكل يدك عشقت الحلا ماصار يطلع منها مشالله إلا حلا هههههههه
ابقي في القمه دائماً
صديقتك / روان الخالدي
The heart of Korea
يا حبي لك تسعدني ردودك وزيارتك للمدونة :$
ماشاء الله تبارك الرحمن .. شغل متقن ^__$ .. بس حبيت أسأل عن خطوة وضع صينية بصينية .. يعني أحط صينية الشيز بعد ما اغلفها من تحت بقصدير بعدين احطها بوسط صينية اكبر بها موية مغلية عشان الحمام المائي .. هذا الي فهمته وبعد حابة اسأل كم حبة شوكولاتة لاني بستخدم قالكسي.. اتمنى تردين علي مع إن ردي متأخر بس فعلا حابة أعرف لاني ابغى اسووويها ^_^ وآسفة ع الإطالة .
ما شاء الله تبارك الرحمن .. شغل متقن ورائع .
بس حبيت أسأل خطوة الحمام المائي الي قبل الفرن،يعني قصدك احط قصدير تحت الصينية واحط الصينية بصينية اكبر فيها موية ؟ و بعد بسأل عن حبات الشوكولا المستخدمة لاني بستخدم قلكسي إذا ماعليك كلافة يعني .. و آسفة ع الإطالة ^_~
رووووعه مره ان شاء الله بأجربهاا 🙂
أبدعتي وربي:$
ماشاء الله روعة تسلم الايادي
شكله مع البسكويت روعة
ماشاء الله شكلة مع البسكويت روعه
سؤال لو سمحتي جبنة فيلادلفيا هي الكيري و لا غير ؟؟؟؟؟؟؟
ارجو الرد بسررررررررررررررررررعة 🙁
و الحمام المائي وش فايدته للتشيز كيك ؟؟؟؟ 🙂
😀