السلام عليكم و رحمة الله و بركاته
أخبآركم يا حلوآت ؟
اليوم جايبه لكم وصفه أول مره أسويها الصراحة !
لكنها سهله جداً جداً و مو صعبه ، الصعوبه تكمن في التزيين وبس
البعض وصفها بأنها حاليه [ بابا العزيز ]
أما البقيه أعجبهم البسكوت
محد قاله أنه مو حلو و بالعكس كلهم أثنوا عليه
أنصحكم تجربونه سووه دوائر أو أي شكل مو شرط نفس اللي انا مسويته !
حلو بعد لو بتسوونه هديه لأحد لو بدون مناسبه
فيه جمله كتبتها لسبب ما قبل فتره ” الأطباق تحمل رسائل حب لذيذه ”
وجد حلو لما أروح لصديقاتي و أعطيهم كل وحده حبة بسكوته خفيفه لطيفه كيوته من ايديني 
أحلا بكثير من لو شريتيه من محل يكفي بس أنك تعبانه عليهم و مزينتهم حبه حبه
و لو كانت بدون مناسبه بتكون أجمل 
وكل تعبك بيروح بمجرد ما تعطينهم و بدون يمدحونك أو يناظرونك نظرة إمتنان
بعد لو مثلاً كان فيه حفل أو مناسبه مثل النفاس بتكون حلوه
بس مب معناته ما تسوونه الا اذا جت مناسبه 
تحرمون نفسكم 
بسكوت الزبده أو أحياناً يسمونه بسكوت السكر
وعموماً أنا سويته بتدرب عليه و بشوف لو ضبط معي بسويه بنفاس أمي
[ دعواتكم لها قريب بتولد أن شاء الله ]
تدوينتي بتتكون من جزأين /
1 / خَبز البسكوت
2 / إعداد الآيسنج و التزيين
ممكن تسوين البسكوت بحد ذاته لذيذ ، وبعد ممكن تسوين البسكوت وتغمسينه في الآيسنج من فوق كطعم ومو شرط تزينينه
كله يعتمد على ذوقك و وش تحبين
والمسأله جداً سهله وممتعه ومو بهذاك لشي الصعب المستحيل
نبدأ بالمكونات :
– كوب و نص دقيق
– ربع ملعقة صغيرة ملح
– نصف ملعقة صغيرة بيكربونات الصودا
– نصف كوب زبدة
– بيضه
– ملعقة صغيرة فانيلا
– نص كاس سكر
المقادير كفت تقريباً 36 حبة كوكيز ويتغير العدد حسب نوع قطاعاتك
أول شي قبل ما أبد بالطريقه بعتذر منكم عن الصور
ما صورت كثير مدري ليه بس برضو الصور مو مهمه يعمي العجينه و فردها وكلها أشياء ماتحتاج توضيح بالصوره 
الطريقة :
– نخفق الزبدة و السكر لين يتكون عندنا مزيج كريمي
– نضيف البيضه و الفانيلا و نخفق
– نضيف الطحين و الملح و بيكربونات الصودا و نعجنها لما تتماسك متماسكه
– نجمعها ونكورها ونغلفها بالتغليف النايلون و نتركها تبرد ساعه في الثلاجه
– نسخن الفرن على درجة حرارة 170 درجه مئويه
– نفرد جزء من العجين على سطح مستوٍ [ أنآ فردت بين ورقتين زبدة أسهل و أرتب 
]
– نقطع البسكوت بالقطاعات ، و ننتبه و أحنا نشيل البسكوت عشان ما يتقطع
– نصفه في الصينيه حبه حبه و ندخل الصينيه في الثلاجه 10 – 15 دقيقه عشان يمسك البسكوت ولما يدخل الفرن يكون محافظ على تفاصيل التقطيع
– وبس ندخله في الفرن 10 دقايق من تحت ما يحتاج تحمير !
– لما نطلعه نخليه يبرد في الصينيه دقيقتين بعدين على شبك [ بيكون لين شوي ما كأنه بسكوت ، لا تخافين بيصير بسكوت لذيذ وهش بس متماسك بعد ما يبرد 
]
– ممكن تحفظينه بعلبه على بال ما تجهزين الآيسنج أو ممكن تكتفين بالبسكوت بس حلاته بالآيسنج
نبدأ بالجزأ الثاني من الوصفه ” الآيسنج “
الآيسنج معروف أنه ساءل مكون من السكر بشكل أساسي بالإضافه لسوائل ، نستخدمه في الكيك و البكسوت
حالي لن السكر هو المكون الأساسي لكن هنا أضفنا له الليمون اللي بيعطيه طعم ألذ بكثير
مكونات الآيسنج :
– بياض بيضه
– ملعقة عصير ليمون
– كوب و نص سكر [ دايم ينصحون في مثل هالوصفات باستخدام السكر الجاهز لأنه أخف و أنعم من المطحون في البيت
ما جربت أسويه بالسكر المطحون في البيت لكن لو بتجربين ضروري تنخلينه و جربي على كميه قليله لا تكثرين
اذا ظبط سوي المقدار اللي يعجبك ]
– ملعقة صغيرة فانيلا
أنا سويت دبل المكونات عشان آخذ راحتي و أنا أزين و ما أقعد طول الوقت خايفه لا اللون يخلص علي !
– نخفق بياض البيض بالمضرب لين يصير مثل الكريما المخفوقه
– نضيف السكر البودره و عصير الليمون و الفانيلا لحد ما نوصل للقوام المطلوب
[ سائل بس ثقيل ومتماسك بحيث لو سويت بالملعقه خط على طرف الوعاء ما يتمدد ويكون محافظ على شكله عشان مانتبهذل و احنا نرسم ]
– نوزع الآيسنج على أوعيه صغيره و كل وعاء نلونه بلون [ و أنتم تلونون حطو نقطه بسيطه وشوفو هل اللون كافي أو لا و زيدوا لين توصلون للدرجة المناسبه ]
– نبدا نصب نصف مقدار الآيسنج في الأكياس البلاستيكيه الخاصه بالتزيين و نبقي نصف المقدار في الأوعيه
– الباقي من الآيسنج اللي تركناه في الأوعيه نضيف عليه قطرات مويه لحد مايصير سائل أخف من الآيسنج اللي في البدايه [ بعلمكم بعد شوي ليش ]
– الحين بدينا بالجزء الممتع ابدي ارسمي على البسكوت الرسمه اللي تبين على حسب الشكل
– اتركي الآيسنج يجف و بعد ما يجف خذي الآيسنج المخفف بنفس الدرجه أو إذا تبين تغيرين اللون ، المهم انك تحطين منه شوي في المكان اللي تبين تملينه بالآيسنج
– بطرف الملعقه تحاولين توزعينه أو بعود الأسنان بيكون شغلك أنظف
– وبس هذي الطريقه الأساسيه وبعدها انتي تتفننين المهم أنك ما ترسمين شيئين سوآ إلآ إذا تبينهم يندمجون
[ ممكن تسوون الحركه الرخاميه اللي أول كآنو سيوونها بحلى الرخام بس بالآيسنج قبل ما ينشف ، المجال مفتوح للإبداع أطلقوا العنان لمخيلتكم و أبدعوا ]
الحين بوريكم بسكوتاتي ، بس ترآ مثل ما قلت لكم أول مره أسوي 
و بعد ليتكم كنتو معي وتشوفون شلون الناس رايحه وجايه عندي
تكسرت يمكن 4 أو 5 بسكوتات 
المره الجايه بكون أحرص أن شاء الله ومحد بيدخل المطبخ و ينرفزني 
طيب طولت عليكم الحين شوفوا الصور :
أولاً : بسكوت البلوزه
هذي البلوزه هي أول شكل رسمت عليه وزينته
ثانياً : بسكوت الدوائر
الدوائر أنبسطت عليها أكثر من القطاعات اللي بأشكال تناسب الواليد لأن فيه مجال واسع للإبداع أكثر
عربيه من المتضررات في الحادث
رابعاً : المجموعات
[ مصختها صح بس مصورتها صور كثيييره حول الـ 100 😐 ]
وهذي القطاعات اللي استخدمتهم من تافولا سعرهم ما يتجاوز الـ 20 ريال
وبس في الأخير حابه شكراً لأكوت بنوته بالدنيا حبيبة ألبي : Miss.nena
بنفس الوقت اللي كنت أجهز فيه موضوعي وماكانت هي تدري سوت لي قالب للصور [ اللي فيه اسمي و اسم شمواه ]
و نينآ البسكوتآت كلهم لك
الحين كل وحده تختار أحلى شي عشان لما أسويه مره ثانيه أعرف وش الأحلى وعشان تذوق معي بعد
لكم 
أحبكم يا جميلات ، دمتن بحفظ الله ..
ماشالله تبارك الله ابداع الله يحفظك. ويخلي لك ماما. وتولد بالسلامه.
– ام الديم –
آمين يارب ..
تسلمين ♥
يا لفرح الزهور التي اصطحبتني رياحينها
لروضتك المشرقة ~
” الاطباق تحمل رسائل حب لذيذة كما عطائك اللامتناهي ”
اعجبتني البسكوتات المزينة ولاشك انها لذيذة حلوة كمن اعدتها ~
( ترتيب , اتقان , ابتكار , فن ) و الاهم من ذلك كمية من الفرح في تقديمها ” عن نفسي جربت ان اهدي من غير مناسبة ” و المقابل ~
ابتسامة رسمها الصدق على ثغور احبتي ”
ابدعتي و ابدعتي و ابدعتي كثيرا ” فبارك الرب جهودك و تميزك و لكل فتاة ~
ان التميز الحقيقي هو ان نعد ذواتنا كفتيات من جميع النواحي و اولها المطبخ مملكة كل فتاة ” و لنا بين بستان منيرة خير زهور نقطفها لتعلمنا الكثير
عذرا لاطالتي ” فجهد لا تفيه قلال المفردات
– traafq8 –
كم هي جميلة كلماتك العذبة يا تهاني ..
أخجلتيني فعلاً :$
لا ادري بم أرد على مفرداتك العذبة ولكن جزآك الله كل خير ، و لا حرمني الله من وجودك ♥
منيرآآآ وش ه الخخيآنة >_> ”
جيبي لنآ زيه ف المدرسة =”(
– أمج –
ههههههههههههه ، أن شاء الله ;p
نورتي ♥
ما شاء الله يا امورتي منور شغلك مرتب و حلو و الألوان الي اخترتيها في التزيين جميلة و متناسقة
سبحان الله عاد أنا أحب اللونين الأبيض و الوردي بجد فأشكرك لأنك أدخات البهجة لقلبي بهذه الألوان
الله يوفقك و يسهل لمامتك و ييخليها تجيب أحلى بيبي لكم و تقوم بالسلامة
– فتاة الاشراق –
أهلاً بمشرقتي الجميله ، آآمين يارب ربي يسعدك يا قمر ♥
تسلــــم إيـــدكــ منــوري ^^ مرررررآآ إبدآآع ماشاءالله عليكــ .. ق1
+
اللــه يخليككــ لمــآمتكــ وتولــد بالسلآآمةة ^^
– ^.^ –
الله يسلمك ، تسلمين على كلامك الحلو :$
آآمين يارب .. ♥
واخيرا نزلتي الطريقه .
.
متحمسه لتجربتها <<>> آمين
🙂
– Rawwan –
أهلاً شفتي شلون تأخرت :$
بس كنت مشغوله شوي بمشروعنا ♥
لآلآ وش هذا
امس كتبت رد طويل
وجيت اليوم اشيك عليه ولقيت اول سطر
وثاني سطر حوسه
والباقي ممسوح
ليــــــه (-.-)
x_x
– Rawwan –
لا تضيقين صدرك وصل وصل =‘)♥
حياك ربي ..
ماشاء الله طريقة السكويت رائعة لولا التزين الصعب لاأظن اننى ازين البسكويت اذا عملته
كم أنا متشوقة لولادة أمك الله يقومها بالسلامة ويخليها لك يارب واستعدادتك لها
إن شاء الله في أقري فرصة أعمل البسكويت
الله يجعا كل ما تقومين به أعمال طيبة وحاصة تجاة والدتك في موازين حسناتك
– ام ريمان –
التزيين مو شرك نفس كذا ترسمين ممكن عادي لون واحد و بالملعقه او حتا تغمسين وجد البسكوته بالآيسنج و بسس =)
آآمين يارب ، شكراً لك يا حبيبه ♥
ما شاء الله عليك منور من إبداع لإبداع ومدونتك بصراحه ما ينمل منها كل موضوع مشوق أكثر من الثاني وتنسيق وترتيبك مرااا روعه وذوق وطعم البسكويت جدا جدا لذيذ ومن حظي أني أكلت منها :$
الله يخليك لأهلك ويحفظك ويخليلكم سوسو الجميلة 3>
– Muneera almusallam –
أهلاً بمنوورتي ، ربي يسلمك و يعافيك يا جميلك ..
آمين يارب ، الله لا يحرمني منك ♥
ماشاء الله
جمييل مره الله يحفظك يا رب()”:
– ابرار محمد –
عيونك الجميله ، أمين و يحفظك ♥
افتكر المرة الاولى اللي صنعت فيها بسكوت
كان بطعم الهيِل
:$ وماقدرت اكرر الوصفة لتصبح بنفس الفعالية
ساتواجد كثيرا بين صفحاتك
– أنفاس –
بسكوت بطعم الهيل أحس بتكون نكهته قويه ♥
سأتشرف كثيراً بتواجدك :$
حياكِ الله ♥
اين انتي ياجميله اشتقنا لك ()
مالك حس لا بتويتر ولا المدونه ان شالله انك بخير 🙂
Othop
اهلاً شكراً على سؤالك يا أمل ..
أنا الحمدلله بخير ♥
ياااي .. كمية كواتة هنا
أشكالها مراا تحمس 🙂 🙂
مبدعة ماشاء الله عليكـ
بسكوتات جميلة جداً كجمالكـ يارائعة
Mashail ツ
شكراً مشاعل عيونك الجميله ..
نورتِ .. ♥
ما شاء الله ، تبارك الله ()
رائعة يا منيرة :”)
اشتهيتُ فعلاً تجربتها ، رغم أنني لم أجرّب صنع بسكويت من قبل ..
* بملونات الطعام ، أليس كذلك ؟
وهل قصدتِ أن نبتاع السكر المطحون من السوق جاهزاً ؟؟
– عذراً للأسئلة ، لكن وسواس الدقة في المكونات يتلقّفني :$
سلمَت يداكِ ، وتمّم الله لوالدتك بالسلامة ()
– || نبض النقاء •. –
أهلاً بنبض ،، لست كروعتك ♥
نعم بملونات الطعام و السكر المطحون الجاهز في قسم الحلويات ..
على الرحب و السعه =)♥
حياك الله ، و سعيده بوجودك في مدونتي =‘‘)
ماشاءالله تبارك الله إبدآآآآع روعه .. ♥ ♥ ♥
و شكلها مررره كيوت >_<
– Sumaih Al-subaie –
أهلاً يا سميه ، أنبسطت كثير لما شفت ردك =‘‘)
تسلمين يا جميله :$ ♥
كنتُ أرقبُ ردك 🙂
شكراً يا جميلة ()
وقد ابتعتُ ملوّن الطعام قبل فترة من الحماس D=
سلمَت يداكِ ، ياربّ لا تحرمنا :”)
وطمئنينا عن أمك ()
كذلك سبحان الله ستلدُ خالتي قريباً وسأصنع البسكويت حينها بإذن الله :”)
|| نبض النقاء •.
أعتذر عن التأخر في الرد فقد أنقطعت عن الانترنت :$
هههههه أحببت حماسك ، ولكن يا جميلتي لا تنسي أن تتدربي عليه قبل المناسبه ،
أنا كانت هذه تجربتي الأولى لذا لم أتقنه جيداً :$
أمي ولله الحمد ولدت و صار عمر أختي شهران و ثلاثة أسابيع :p
أسأل الله أن يسهل عليها و يرزقها بالطفل الذي يسعدها =”)
سعدت بوجودك يا نبضي ♥
يااااي منوري >> بسم الله فجأة طبت >>>هيهي :p
يجننون
ان شاء الله يجيني يوم فاضية فيه واسويها
أكثر شي عجبني الحصان والدبدوب والدوائر
أدري من زمان ما دخلت المدونة
بس لو أفضى كل يوم زي كذا كان دخلت كل يوم
BeShOo fahad
أهلاً أهلاً ببشائر ، أسعدتني عودتك مرة اخرى :$
أشتقت لوجودك في مدونتي :$
بأذن الله ♥
والله لازم ، خاصة مع وسواس الفشل عندي XD
إذا كانت هذه التجربة لم تعجبك فأنتِ متواضعة جداً ما شاء الله 🙂
الحمدلله على سلامتها وسلامة الجميلة الصغيرة :”)
ألف مبرووك ، الله يحفظها لكم ويجعلها قرّة عين يارب ()
اللهم آميين ، الله يسعد قلبك <3
وخالتي جابت لنا حمودي من أسبوع الحمدلله :")
وأنا أسعَد يا منيرة ، طلّي على تويتر أكثر .. فهناك اصطيادكِ أسهل 😛
* ولما حطبّق ما حنسى أصورلك ، من عيووني 🙂
|| نبض النقاء •.
الله يسلمك و يبارك فيك ، آمين يارب جزاك الله خير
الحمدلله على سلامته و يتربى بعز أهله أن شاء الله
أنتظر صور التطبيق السماوي :p
وأخيراً بعد جهد بحث وجدتك هنا !
أذكر أنني في حين غفله وممل وجوع أيضاً ضعت بين المدونات ودهاليزها لأجدك بينها
وأقع في عشق هذا الـ – بسكويت – ()
وأحلف يميناً اني لأطبحنّه 🙂
http://www.up.qatarw.com/up/2012-07-11/file927510522.png
نال اعجاب الجميع والاطفال خصوصاً ^_^ ..
سلمت يمينك منور 🙂
ماشاء الله
التزييييين اكثر من رائع 😍😍😍😍
ياحظ أمك فيك منوور😊
Pingback: تزيين البسكويت متعة الأطفال | منيرة التميمي