السلام عليكم ورحمة الله وبركاته ..

اليوم تدوينتي عن التنوره المنفوشه 
طبعاً هالتنوره مليانه بالأسواق وأكيد أكيد راح تلقونهآ عند كليرز
لكن أنا حبيت أسويها بنفسي لبنت خالتي الجميله
وأن شاء الله بسوي زياده لأنها ممتعه وَ تدخل الفرحه على قلوب البنوتات
ما تتخيلون فرحة بنت خالتي بالتنوره ،، و فرحتي لما شفتها لابستها 

وكنت مسويتها بداية الإجازهكان ودي أصور لكم التنوره باللبس .. بس بنت خآلتي لبستهآ فوق فستانهآآ .. بس قاستها ،،

نبدأ بصور للتنوره [لآ تدققون كثير بالتصوير صورتها أول ماخلصتها وقبل مانروح لبيت خوالي << ياكثر ما أتعذر]

[ المؤسف أني صورت لكم الخطوات بالتفصيل وبطريقه حلوه لكن للأسف الصور مسسحت  ]
صورت لكم الخطوات مره ثانيه لكن أبد مو مثل الأولى<<للحين متحسفه ..

1 . كنت مصوره لكم الأدوات لكن زي ماقلت الصور راحت 
الأدوات :
[ مقص – شريط مطاطي – كميه من قماس الـتل ] 
طبعاً كمية القماش على حسب عمر البنوته و الطول اللي حابته 
المتر بـ 5 في محلات الكلف بـطيبه ،، أنا شريت 5 متر أبيض ، 5 متر وردي وتسوي تقريباً تنورتين .. ~
وقصصت القماش شرآيط .. [ كنت مصوره لكم هالخطوه  ،، وهي أكثر خصوه متعبه ]
الخطوتين 2 + 3 توضحهم رسمه أكثر من تصويري :

وطبعاً الخياطه بس بتكون مكان الدبوس [ كأني قلت بدون خياطه  ]
الخطوآت بالترتيب :
1 . قيسي خصر البنوته و قصي الشريط المطاطي على أساسه وخيطيه .. 
2 . قصصي القماش شرائط طويله .. تحددين طولها على حسب طول التنوره .. يعني تقريباً الشريط يكون دبل الطول المطلوب [ لأننا راح نثني الشريط ] ..
3 . أثني الشريط الطويل من النص بعدين سوي العقده نفس الرسمه ..
4 . تبدين تكررين مع الشرائط الثانيه وترتيب الألوآن على ذوقك ..
[ أتمنى أن الخطوآت تكون مفهومه ]
المره الجايه أن شاء الله:
. بقص الشرايط بشكل أعرض .. 
 . ممكن اشتري شرايط عريضه من قماش شفاف وأستخدمها بدل القص والتعب 

أنتبهي وأنتي تشترين أدواتك :
1 . لايكون القماش ممره خششن ،، عشان رجول الأميره اللي بتلبسهم
2 . الشريط المطاط مهم يكون من نوعيه جيده عشان لايروح تعبك سدى ..~ 

طبعاً ممكن تتفننين بـالألوان ،، ممكن تدخلين ألوان صيفيه و درجات أخضر ،، 
بتطلع حلوه بالأحمر وتدرجاته لين يوصل للأصفر الفاتح [ تنوره نآريه  ] أو حتى مزيج من ألوآن متعدده ،، عندك مجال كبير للإبداع و التفنن ..
والسبب الأهم لاختياري للوردي أنو بنت خالتي تحب هاللون فبيكون إغراء بالنسبه لهآ .. 
وبعد ماودي أخبص و أحوس من أول مره ..

مزيد من الصور لمزيد من الإغرآء .. 

المساحه الفاضيه هذي عشان بآخذ قياس خصر بنت خالت

طبعاً لاتعليق على المعلاق العالمي ،، أو المكان اللي اخترت أصور فيه .. -_-  بس مثل ماقلت لكم كنت مستعجله بالتصوير . .
ياليتها عندي الحين كان صورتها لكم زين .. :p

من تحت << ترآ ما أوجعتني رقبتي وأنآ أصور ..

كانت تجربه جميله استمتعت بها وأن شاء الله بسوي زياده بس حبيت أشاركم الطريقه ..
ويالله عآد كل وحده تتسنع وتسوي لبنتهآ ،، أختها ،، بنت أخوهآ بنت أختها ،، بنت صديقتهآ ،، بنت جيرآنهم ،، وإذآ مره مره مآلقت أحد تسوي لنفسها وترقص بهآ في غرفتهآآ 
ولآ تلبسها في حفل تنكر ،، أو تسوي نسخه مصغره بألوآن غرفتهآ وتحطها بإيطار وتزين بها الغرفه << مافي مقر ..
بحفظ الله ياحلوات ..